මා මේ අතීත කථාව ලියන්නේ කිසිවෙක් අපහසුවට පත් කිරීමට නොව, නමුත් සැලකිය යුතු කරුණක් සැලකීමට ය..

මා දක්වන ⁣මත විරෝධය වෙනුවෙන් විරුද්ධව හඬ නැගූ තරුණයෙක් සමග ඊයේ දින මා සාකච්ඡාවක් සිදු කළේ ය.. එය පහත දක්වා ඇත..

එහිදී එම දරුවා විසින් මා මතවාදීව පෙන්වා දුන් ප්‍රතිපත්තිමය විරෝධතාවන් ඔහු විසින් එම පක්ෂයේ සාමාජිකයන් විසින් සිදු කරනු දැක නැතැයි කීවේය..

එනිසා එම සාකච්ඡාව අතරතුර මා ඒවා ඇසීමට යොමු කරන්නම් යැයි ප්‍රතිඥා දුන් අතර ඒ පොරොන්දුව ඉටුකරමින් වෙලා ඇති පරිදි මේවා මෙසේ පළ කරන්නෙමු..

ඊට පෙර මා මොහොතක් ඉතිහාසයට දුවන්නෙමු..

⭕️පූජ්‍ය පෝද්දලමුල්ලේ ප්‍රේමාලෝක හිමි 18/12/1988

⭕️පූජ්‍ය මාරඹේ සෝමරතන හිමි 31/12/1988

⭕️පූජ්‍ය අඟුනකොලපැලැස්සේ උපලි හිමි 07/01/1989

⭕️පූජ්‍ය කුඹගොඩ ඥාණාලෝක හිමි (මිහින්තලේ විහාරය) 11/07/1987

⭕️පූජ්‍ය කොටිකාවත්තේ සද්ධාතිස්ස හිමි 03/08/1989

⭕️පූජ්‍ය හේමාලෝක නන්දිමිත්‍ර හිමි (පල්ලම විහාරය) 04/08/1989

⭕️පූජ්‍ය ව. පඥ්ඥාතිස්ස හිමි (අතුරුගිරිය විහාරය) 13/08/1989

⭕️පූජ්‍ය සොරගුණේ පඥ්ඥාසාර හිමි (රජමහවිහාරවාසී) 20/08/1989

⭕️පූජ්‍ය කිරවනාගම පඥ්ඥාරාම හිමි 27/08/1989

⭕️පූජ්‍ය වල්තොට පඥ්ඥාදස්සි හිමි ( කිතලගමුව විහරය) 30/08/1989

⭕️පූජ්‍ය පැල්පොල ධර්මපාල හිමි (ජයසුමනාරමය) 04/09/1989

⭕️පූජ්‍ය මුදිත හිමි (ශ්‍රී සුදර්ෂනාරාමය) 05/09/1989

⭕️පූජ්‍ය කහව විමලසිරි හිමි (බෝධිරාජාරාමය) 09/09/1989

⭕️පූජ්‍ය මහනුවර ධර්මරක්ඛිත හිමි (මඹරගල විහරය) 18/09/1989

⭕️පූජ්‍ය ගෝවුන්නේ රතනජෝති හිමි, (මාවෙලගම රජමහාවිහාරය-) 1989.09.20

⭕️පූජ්‍ය තියරණගම රතනසාර හිමි-1989.09.20

⭕️පූජ්‍ය තාඹුගල ආනන්දසිරි හිමි -1989.10.13

⭕️පූජ්‍ය දික්පිටියේ අංගීරස හිමි (ශ්‍රී ඛෙත්තාරාම විහාරය-) 1989.10.05

⭕️පූජ්‍ය කළුතර ධම්මරතන හිමි-1989.10.12

⭕️පූජ්‍ය විමලකීර්ති හිමි (දංගොල්ල විහාරය, හොරඹාව-)1989.10.20

⭕️පූජ්‍ය නිකපිටියේ සිද්ධාර්ථ හිමි, (දෙලිවල විහාරය- )1989.10.30

⭕️පූජ්‍ය ඩී.ගුණවංශ හිමි, (මංගලගම පිරිවෙණ, මොලගොඩ.)-1989.11.05

⭕️පූජ්‍ය වැලිපිටියේ පඤ්ඤාතිස්ස හිමි, (වියනෙලිය විහාරය)-1989.11.29

⭕️පූජ්‍ය බමුණුපොත සෝමරතන හිමි, (මෙද්පිටිය විහාරය-)1989.12.10

⭕️පූජ්‍ය පඤ්ඤානන්ද හිමි (වැවුළුකන්නල විහාරය ) 1989.12.11

⭕️පූජ්‍ය අඹේවල චන්ද්‍රජෝති හිමි (කුළුඹුලන්ද විහාරය ) 1989.12.12

⭕️පූජ්‍ය රේඛව පඤ්ඤාසිද්ධි හිමි (උභයාරාමය-රේඛව ) 1989.12.16

මේ හිමිවරුන්ගේ නම් ඔබ නොදන්නවා ඇති..

එක්දහස් නමසිය අසූ නමයේදී පමණක් ජනතා විමුක්ති පෙරමුණ විසින් ඔවුන්ගේ මාක්ස්වාදී න්‍යායන්ට අවනතවීම ප්‍රතික්ෂේප කිරීමේ වරදට ප්‍රධාන මරා දැමූ බෞද්ධ භික්ෂූන් වහන්සේලා විසි හතර නමකගේ නම් ය..

එදා ඔය අයුරින් කපා කොටා අමානුෂික ලෙස ඝාතනය කර අපවත් කරන්නට හේතුව එම හිමිවරුන් ඔවුන්ගේ විකුර්ති දේසපාලන අරමුණු නොපිලිගැනීම ය..

ඔවුන්ට ලංකාවේ තිබෙන මුලික ප්‍රශ්නය නම් සිංහල බෞද්ධ සංස්කෘතිය සහ ආධ්‍යාත්මයයි. එය බිඳ දැමීමෙන් හා ආගමක් දහමක් නැති මිත්‍යාදෘෂ්ටික සමාජ වදයක් ගොඩ නගා ගැනීමයි.

මාක්ස්වාදය බුදුදහමට විරුද්ධ ය.. භෞතිකවාදි ය.. පරලෝකයක් විශ්වාස නොකරයි.. ඉතිහාසයක් වැඩක් නැත.. දහමක් අවශ්‍යතාවය නැත.. ජාතියක අවශ්‍යතාවය නැත..

බුදුදහම මේ රටේ ඇතිතාක් උන්ගෙ මනෝ රාජ්‍යය මෙහි සෑදිය නොහැක බව උන් දනිති.. හාමුදුරුවරුන්ගෙ මොල සෝදනු ලබන්නේ එබැවිනි..

අවනත නොවන භික්ෂූන් වහන්සේලා පෙර මිලේච්ඡ ලෙස මරා දමන ලදි.. දැන් සමාජ මතය තුළ මරන්නට උත්සහ කරති.. උන්ට අවනත භික්ෂූන් වහන්සේලා වයින් කොට බුද්ධ ශසනේට විරුද්ධව කටයුතු කරවන්නේ එබැවිනි..

බුද්ධිමතුන්, කලාකරුවන්, වෘත්තිකයින්, වැනි වටිනා පුද්ගලයින් කී දෙනෙක් මෙලෙස දිවි අහිමි කරගන්නට ඇතැයි ඔබ කල්පනා කොට බලන්න..

සිංහල බෞද්ධ සමාජය වසර 2500 ක් තම පන දෙවැනි කොට ශ්‍රී දළදාව, මුළු මහත් ජාතියක් වන්දනා මාන කරමින් අති ගෞරවයෙන් පණ දෙවැනි කොට රැකගත් ශ්‍රී දළදා සමිඳුන්ව විනාශ කිරීමට පාප කාරී ලේ පිපාසිත අන්තවාදී කණ්ඩායම් දෙකක් මාන බැලු බව ද ඔබට මතක ඇති.. පමණක් විට අමතක ඇති..

දමිල ත්‍රස්තවාදී- එල් ටි ටි ඊ- සංවිධානය වරක් බෝම්බ ගසා ශ්‍රී දළදා මාලිගය විනාශ කිරීමට උත්සහා කරන ලදී. නමුදු දළදා අනුහසින් මාලිගය ආරක්ෂා විය. අප පුදුම නොවෙමු.. මන්ද යත් උන් දමිළ බැවිනි..

නමුදු සිංහල බෞද්ධයන්ගේ මුදුන් මල් කඩ වන ශ්‍රී දළදාවට සිංහල බෞද්ධයන් කණ්ඩායමක් පහර දීමට ගිය බව ඔබ විශ්වාස නොකරනු ඇත..

නමුදු එය එසේ සිදුවිය. විදේශවලින් ආනයනය කළ විකෘති ලේ පිපාසිත මාරපාර්ශවික දර්ශන වලින් මාරාවේෂව තම අරමුණු මුදුන් පමුණුවා ගනු වස් අන්තවාදී මිනීමරු ලේ පිපාසිත පෙරමුණක් විසින් දළදා මන්දිරයට පහර දීමට සැරසිණ..

හදවතට එකඟව මට මොවුන්ගේ ප්‍රතිපත්තිය වෙනුවෙන් පෙනී සිටිය හැකිද?

සාමාජිකයෙක් පක්ෂය හැර යාමෙන් පසු හෙළි කළ පාපොච්චාරණයක් අමුණමි..

https://www.youtube.com/watch?v=6Kusq7JE0wA&feature=youtu.be

සත්‍යයකි අපි ඉතිහාසය දෙස පමණක් බලා සිටීම කළ යුත්තක් නොවේ.. නමුත්, මොවුන්ගේ එම ප්‍රතිපත්ති තවම වෙනස් වී නැති බව ඔබටත් මටත් දැකගන්නට හැකි ය..

දැනට පක්ෂයේ නායකයා විසින්,

⭕️බුදු දහ⁣මට ව්‍යවසථාවේ ඇති ප්‍රමුඛස්ථානය ඉවත් කළ යුතු ය..

⭕️ලක්දිව බෞද්ධ රාජ්‍යයක් නොවේ ය..

⭕️ආගම දේශපාලනයෙන් ව්‍යුක්ත කළ යුතු ය..

⭕️වැඩිහිටියාට, සංඝයාට ගරහන සමාජයක් බිහි කිරීමට දායකත්වය ගැනීම ය,

⭕️ඇතැම් සංඝයා වහන්සේලාව වයින් කරවා තමන්ගේ දේශපාලනයේ යෙදවීම ය, වැනි ප්‍රධාන ප්‍රතිපත්තියම වැරදි කීපයක් හැර තවත් සැලකිය යුතු බොහෝ දේ ඇත..

⭕️රටේ හයිවේ එක හදන විට එහා ගෙදර බල්ලට මෙහා ගෙදරට එන්න නැතැයි කියා විරුද්ධ වීම,

⭕️පන්සල් යන්නේ, පිළිම වඳින්නේ ගෝත්‍රිකයෝ ය කීම,

⭕️කොරෝනා වැඩිවන විට ඊට ජනාධිපති වගකිව යුතු යැයි පවසා, අඩුවන විට සමකයට ආසන්න රටක් නිසා එසේ විය යැයි කීම්,

⭕️නොරොච්චෝලි විදුලි බලාගාරය චීන කසල ගොඩක් යැයි පැවසීම,

⭕️යුද්ධය අවසන් කරන්නට ආසන්න අවස්ථාවේදී, කිසිදු දේශපාලන දැක්මක් නොමැතිව අයවැය පරාජය කරන්න සැරසීම,

⭕️ෆොන්සේකාගේ මැතිවරණයට ලැබිච්ච මුදල් වලට සිනා වීම 😊

⭕️විශ්ව විද්‍යාල ශිෂ්‍ය පද්ධතියේම ඔලු විනාශ කිරීම වැනි නොකී දේවල් දහසක් සමග මා මෙම ප්‍රතිපත්ති වලට විරුද්ධ ය..

පසුගිය දිනක තව වීඩියෝවක් දුටිමි.. 88, 89 දේශප්‍රේමී අරගලය වෙලාවේ කිසිදු දෙමළ මුස්ලිම් මිනිසෙක් නොමරපු බව පාපෝච්චාරණය කිරීමක් ය..

සත්‍යය..එදා ඔවුන් විසින් විනාස කරනු ලැබූ සියල්ල පිරිසිදු සිංහල තරුණ තරුණියන් පමණි.. (80,000ක් පමණ ජීවිත ය..)

අද ද ඔවුන් සිංහල බෞද්ධයින්ට එරෙහිව නැගෙන බල වේග සමග කොන්දේසි විරහිතව අත්වැල් බඳගෙන ජාතියට එරෙහි වෙමින් සිටිති..

සුදු පිරුවටයට යටින් ඇති අමුලේ වැකුණු නිරුවත හඳුණන බැවින් මා මෙම ප්‍රතිපත්තියට විරුද්ධ වෙමි..

#විකල්පය කුමක් ද ?

මිනිසුනි, ගැටළුව කුමක් වූවක් විකල්පය වහ කුප්පිය නොවේ.. ගැටලුවට විසඳුමක් සෙවිය යුතු ය.. එය වහ කුප්පියක් නොවන බව දත යුතු ය..

තවත් ලිපි ඉදිරියේදී යොමු කරන්නෙමු.. අවශ්‍ය අයට ගැනීමට ය.. නැති අයට බැනීමට ය.. 😊

✍ Author: Ven. Kirulapana Dhammawijaya Thero

Date: 22.12.2022